Sífellt glæðist áhugi á smíði og viðhaldi gamalla trébáta. Á Bátasafni Breiðafjarðar á Reykhólum er að finna einstaklinga sem hafa miklu að miðla, bæði í bátasmíði sem og öðru handverki og sögu.

Dagana 6. - 18. september 2010 verður námskeið í Bátasafni Breiðafjarðar á Reykhólum í viðhaldi og endursmíði gamalla trébáta. Námskeiðið er verklegt og öllum opið.

Á námskeiðinu verður gert við súðbyrtan vélbát sem er 6.5 m. Áætlað er að skipta námskeiðinu í fernt og geta þátttakendur því bæði valið að taka allt námskeiðið eða einungis hluta þess.

Einnig verður fjallað um segl og reiðabúnað með gamla laginu.

Með því að hafa námskeiðið fjórskipt gefst þátttakendum kostur á að velja sér þá verkþætti sem þeir telja að nýtist sér best - einn eða fleiri.

Þátttakendur greiða einungis fyrir viðveru og geta því sjálfir stjórnað kostnaði.

Hver klukkustund kostar 1000 kr. Hámarkskostnaður á dag er 8000 kr.

Einnig er hægt að fá að taka þátt í smíðinni allan tímann og er þá fast verð krónur 60.000 kr.

Þátttakendur sjá sér fyrir fæði og gistingu á námskeiðstímanum.

Möguleikar á gistingu eru t.d. tjaldstæði fyrir fellihýsi og hjólhýsi, gistiheimilið Álftaland, Bjarkarlundur og einnig er bændagisting á svæðinu.

Skráning á artser@simnet.isÞetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. Þar eru þátttakendur beðnir um að skrá nafn, heimilisfang og síma og þann hluta námskeiðsins sem þeir kjósa að nýta sér. Sjá einnig á heimasíðu Bátasafns Breiðafjarðar á Reykhólum