Fyrsta fiskimjölsverksmiðja Vestmannaeyja var reist árið 1912 af Bretum. Milligöngumaður var ræðismaðurinn Gísli J. Johnsen, sem komst í kynni við enskt félag í Grimsby, sem framleiddi fiskimjöl í stórum stíl. Verksmiðjan var á nafni Gísla samkvæmt lögum, en félagið byggði raunar húsið og lagði til allar vélar. Þetta breska félag var afar öflugt og átti fiskimjölsverksmiðjur víðsvegar á Englandi og hafði yfir að ráða miklu fjármagni. Halldór Magnússon segir frá fiskimjölsverksmiðjum í Vestmannaeyjum í blaðinu Bliki árið 1972.

Fiskimjölsverksmiðjan í Vestmannaeyjum

Frásögnin af Vesturhúsafeðgum er saga af brauðstriti og fátækt við sjávarsíðuna á nitjándu öld, en einnig af tilurð Ísfélags Vestmannaeyja. Sagan er skráð af Þorsteini V. Víglundssyni og birtist hún í blaðinu Bliki árið 1969.

Vesturhúsfeðgarnir

Magnús Guðmundsson, bóndi og formaður á Vesturhúsum, skrifaði eitt sinn brot úr minningum sínum frá bernsku- og æskuárunum á Vesturhúsum, og svo minningar frá sjómennsku sinni  og sjósókn, athöfnum á sjó og landi. Hér fara kaflar úr sögu hans sem eru jafnframt kaflar úr sögu Vestmannaeyja, svo langt sem þeir ná. Þorsteinn V. Víglundsson skipti þessum skrifum Magnúsar Guðmundssonar í kafla og setti inn millifyrirsagnir. Birtust þessar endurminningar í blaðinu Bliki árið 1969.

Í lok nítjándu aldar flúðu margir Íslendingar land sitt og fluttu vestur um haf til þess að leita sér gæfu og gengis eftir stríð við harðindi og sultarhörmungar á Íslandi. Á meðal þeirra voru Jóhannes Guðmundsson Nordal og Ísak Jónsson sem komu til baka fullir vissu um að „hver, sem kunni hversdagstök á náttúrunni, gæti léttar lífsins starfa lokið og til meiri þarfa", eins og Stefán G. segir í kvæði sínu um Jón hrak. Þorsteinn Þ. Víglundsson birti sögu Ísfélags Vestmannaeyja í nokkrum hlutum í blaðinu Bliki árið 1960 - 1962. Nú má lesa kaflana um Ísfélag Vestmannaeyja með því að smella á Nánar hér að neðan.